Наьсарерча СВО бӀухочунна новкъостал дир; арахьа дӀадига, берашта дарба де
10.10.2025 15:37
«Даьхен лорабой» ганзо новкъостал дир Наьсарен-Шахьаре вахача ЛаьрххӀача тӏема операце бӀухочоа; ший бераш арахьа дӀадига, лорашка чакхдаха, яхаш, дийцар «Сердало» газетага цу ганза зарбан болх лелабераша.
Умалат Л., РФ Герзашцарча низий Министерствон тӏалатача даькъе амал деш ва 2024 шера денз, цо дехар дир ганзага ший ши бер, берий могашала тохкама къаман центре чакхдаха дигарах, цигарча лабораторе тохкамаш дӀахьоргдолаш. Иштта мара малагӀа лазар да ха йиш йолаш дац цар хьал.
Цу тайпара дехар кхоачашдеш, эшаш дола каьхаташ гулдеш, цул тӀехьагӀа уж ГӏалгӀай Республикан унахцӀенон Министерстве дӏадохьийташ гӏо дир Тиймарзанаькъан Луизас. Цхьа бутт балале, цига бахар хьаллоацаш жоп дера цу дезалга.
