«Бокъон тӀехьа» яхача Ганза кулгалхочо Хутенаькъан Рамзана ше накъа а доаккхаш, Запорожски областа Токмак оалача шахьара салташта йигийтар фура, цу чу дар дронашта духьалара кхоллараш, тӀема йӀовхало воагавергвоацаш дола гӀирсаш, квадроциклаш, молаш дола хий, бӀайха тӀабувха гӀирс, кхачан даараш. Из беррига мухь кийчбаьбар бӀухой дехарах», - аьлар хоамо.

Белгалду, дукха ха йоацаш ганзага кхаьчар лаьрххӀача операце доакъашхой дехар, хьалхарча аргӀагӀа эшаш болча гӀирсаца новкъостал дар дехаш. Наха шоашкара новкъостал а деш, из мухь кийчбир. Доккха дакъа юкъедера цига мехка Федеральни йоал яккхара йолча моттига кулгалхочо Куштанаькъан Мухьмада, цо бӀухошта доагорца лелабу генератор белар.

Белгалду, Республикан Кулгалхочо Келаматанаькъан Махьмуд-Ӏаьлас аларах, вай бӀухошта эшачунца даим новкъостал лоаттаду.