Илдарха-Гӏалий тӏа шоай дегӏа могашал меттаоттаеш ба СВО бӏухой
Илдарха-Гӏалий тӏарча дегӏа могашал меттаоттаеча, шоай унахцӏенон хьал тоадеш ба тӏема доакъашхой. Укх 8 бетта 40 совгӏа саг ва цига чакхваьннараш. Из хоам «Сердалога» бир «Даьхен лорбой» яхача ганза моттигерча филиала кулгалхочун гӏонча йолча Джанхотанаькъан Мадинас.
«Цу моттиге дарба деш ба таханара СВО бӏухой санна, тӏема ветеранаш а. Укх деношка цига тӏаийцар лозабаь тӏем тӏара цӏабаьхка Хьашанаькъан Руслан, Чахкенаькъан ӏийса, иштта бӏухочун нана Майсиганаькъан Радимхан. Цу оагӏонна кулгал деш йолча Гаркхой Луизас тӏахьожам беш, дарба ду царна. Цу гӏулакха мел эшаш дола хӏама цу моттиге ӏалашдаь долаш да», - йоах тхога бенача хоамо.
«СВО ветеранаш шоай хьалха хиннача хьала тӏа боагӏаргболаш дарба ду цига. Хӏара бӏухочун эшар теркалдеш, цар дегӏа хьал меттадоаладе гӏерташ къахьег оаха тахан. Вай массане лерхӏам бе безаш ма бий деналах, майралах бизза бола уж къаман къонгаш», - дийцар тхога «Даьхен лорбой» яхача ганза кулгал деча Оздой Муслима.
