Илдарха-Гӏалан СВО бӏухоша шоашта нийслуча кхоачамбоацарех дийцар нах тӏаэцача
26.09.2025 15:14
Илдарха-Гӏалий тӏарча Лаьрххӏача тӏема операце бӏухоша дийцар, шоашта хьалхашка нийслуча кхоачамбоацарех. Лакха балха говзал йолча юриста а дакъа лоацаш, нах тӏаэцача хана дар из, яхаш, дийцар «Сердало» газетага «Даьхен лорабой» ганза гӏалгӏай филиала кулгалхочун гӏончас Джанхотанаькъан Мадинас.
«Из дӏадахьа дагадехар ганза, иштта шахьара мэрена юкъе барт баь хилара чудоагӏаш. Юридически консультаци дӏахьош, аьттонаш, ЖКХ хьалаш, ахча, лаьтта хьаэцар яхача хаттарех вола Забенаькъан Тимур вера Илдарха-гӏалий тӏа.
Бӏарчча дийнахьа говзанчага хаттараш хилар тӏем тӏара цӏабаьхкача бӏухой Исмейланаькъан Ахьмада, Йовлой Беслана, тӏема ветерана Цӏечой Мусай.
