Илдарха-ГӀалий тӀара СВО бӀухой диспансеризацех чакхбоалаш ба
30.06.2025 16:49
ЛаьрххӀача тӀема операце бӀухой ба лорашка чакхбоалаш. Илдарха-ГӀалан поликлиника духхьашха йолаеннай тӀема ветеранашта, цар дезалашта диспансеризаци е, яхаш, дийцар «Сердало» газетага «Даьхен лорбой» ганза юкъарлонца бувзам лелабеча Джанхотанаькъан Мадинас.
«Хьалхарча дийнахьа массехк лор хилар, бӀухошка хьожаш. Программа чудоагӀаш дар невролог, уролог, травматолог, психолог, окулист, отоларинголог, кхыбола лораш хьажар. Нагахьа санна могашал йоацаш моттиг нийслойя, уж тӀехьара тӀа чакхбала дӀахьежабу кхычахьа», - аьлар хоамо.
Поликлиника заведующе Умаева Мадинас новкъостал а деш, фонда теркамца бараш хьежаш латта ца безаш бокъо йолаш ба федеральни программах лорашка чакхбала.
