ГӏалгӀайчен боксёраша дика толамаш даьхар, Ессентуке дӀайихьача яхьашка
02.11.2025 12:00
ГӏалгӀайчен боксёраша дика толамаш даьхар йийллача яхье СЦБИ «УРАН» Ессентуки-Шахьаре,яхаш, дийцар «Сердало» газетага ГӏалгӀай Республикан бокса Федераце зарбан болх лелабераша.
«Тӏема доакъашхошта хетаяьча яхьашка, шоай спорта говзал гойтар Къилбаседа Кавказа федеральни куран, иштта Россе кхыча моттигашкара баьхкача тӀоарска кулгахйоаллорга латархоша. «Сурхо» спортивни ишколе Ӏомалуш ба уж, цар тренер ва Налганаькъан Амир, цар вай тоабанна ера ворхӀ майдилг.
Овшанаькъан Ӏаьла, Налганаькъан Мухьмад-Башир, КIарачIанаькъан Халат, Овшанаькъан Абубакр, Налганаькъан Хӏарон лакхарча лагӏа тӀа эттар. КIарачIанаькъан АбдуллахӀа, Налганаькъан Мухьаммада дото совгӀаташ даьхар», - аьлар хоамо.
