ГӀалгӀайчен боксёраша дика толамаш гойтар, Пятигорска хьалхале яккхара яхьашка
25.02.2025 17:00
ГӀалгӀайчен бархӀ латархочо дика толамаш даьхар саькура бетта 21-23-ча деношка Пятигорске дӀахьош хиннача шахьара Хьалхале яккхара яхьашка, яхаш, дийцар «Сердало» газетага ГӀалгӀай Республикан бокса Федераце.
Даьхен лорбой Ди дездеш хиларца ювзаенна дӀайихьача кхетаче, шийна карагӀдоалар хьагойта йиш йолаш вар 150 говзанча. Вай кагирхошта юкъе бар дошо майдилгаш яьхараш: ТӀонганаькъан Исраил, Тиймарзанаькъан Рашид, Бобхой Мухьмад, ТӀонганаькъан Мухьаммад, Гарданаькъан Билал, иштта ТӀонганаькъан Мухьаммад.
Дото совгӀаташ даьхар Тиймарзанаькъан Мухьаммада, Боканаькъан Ӏумара.
Спортсмений хьехамчаш ба Тоаркхой Амир, Малсаганаькъан Гирихан, Пхьогоранаькъан Мухьмад, Дарсиганаькъан Або.
