ГӀалгӀайчен боксёрашта тайп-тайпара сийлен майдилгаш елар
03.10.2024 09:34
ДӀаяхача «Росси - Профсюзий ФСО ЦС Хьалхле къайсача», ГӀалгӀайчен начӀал долча боксёраша дукха мейдилгаш яьхар, аьлар «Сердало» газетага ГӀалгӀай Республикан бокса Федераце.
«Яхьаш дӀайихьар Суворовски станице 16-17 шу даьннарашта юкъе. Говзал лакха йолаш хиларах, Овшанаькъан Ӏаддалас 54 кг дозал дарашта юкъе «дотув» даьккхар, из да ГӀалгӀайчера Россе Кубке ваха йиш йолаш из хилар.
Янданаькъан Муслим цхьаькха спортсмен ва, цу яхьашка ший хьинар, низ гойтар. Цо боарза совгӀат даьккхар 51 кг дозал дарашта юкъе»,-аьлар тхоца къамаьл даьчо.
Белгалду, уж кийчбаьраш ба тренераш Овшанаькъан Тимур, Боканаькъан Хьусен, БӀарахой Мустафа, Жандаранаькъан Ахьмад.
