Черсий-Къарший мехкарча яхьашка белгалбаьлар вай спортсменаш
04.04.2025 09:46
«Спартак» яхача боксах йолча яхьашка майдилгаш йоахаш, белгалбаьлар тренераша Галай Ӏусмана, Амсадой Темарлана кхебаь вай спортсменаш. Из хоам «Сердалога» бир боксах йолча федерацера.
13, 14 шераш даьннача 200 совгӀа спортсмена юкъе лакха говзал гойтар вай мехкахоша. 40 кийла дозал дарашта юкъе белгалваьнна Боканаькъан Ислам Россе яхьашка дакъа лаца аьттув болаш хургва; цул совгӀа, говза латарах кубок елар цунна. КхоалагӀча лагӀа тӀа ваьлар 66 кг дозал дола Янданаькъан Рамзан. Фашист вай мехкара эшаваь араваккхара 80 шу дизара хетаяьй яхьаш.
