СКФО хьалхале яккхара яхьий доакъашхой ба вай боксёраш
19.04.2024 15:13
ГӀалгӀайчен боксёраш дакъа лоацаш ба Къарший-Черсий мехка дӀахьош йолча СКФО хьалхале яккхара яхьашка, яхаш, дийцар «Сердало» газетага моттигерча бокса федераце.
«Яхьаш дӀахьош я 2010-2011-ча шерашка баьрашта юкъе, цига дакъа лоацаш ва ГӀалгӀайчера ткъо гаргга дикагӀа вола спортсмен; уж ба, республикан хьалхале къайсача, толашагӀа хиннараш.
Ондаргаш яхьашка бахаб шоай керттерча хьехамчаца Дарсиганаькъан Абоца, ГӀалгӀай Республикан ондаргий гулъяьча тоабан воккхагӀа волча хьехамчаца Чахкенаькъан Исламаца.
Уж кхы а лата безаш ба, лакха говзал йолча спортсменашца», - йоах хоамо.
