ГӏалгӀайчен боксёраша дика толам гойтар, «Н.А. Никифорова-Денисова Кубке»
17.11.2025 16:21
ГӏалгӀайчен боксёраш дика латаш хилар « Н.А. Никифорова-Денисова Кубок» дӀахьош, Ерригача российски боксе, яхаш, дийцар «Сердало» газетага ГӏалгӀай Республикан спорта Министерствон зарбан болх лелабеча ГӀаппархой Аишас.
«Лайчилла бетта 8-16 деношка, Санкт-Петербурге шоай физически кийчо гойтар тайп-тайпарча мехкашкара венача тӀоарска кулгахйоаллорга 213 говзанчо. ГӏалгӀайчен бокса ишколе, Оздой Аслана Ӏомавеш волча Бузуртанаькъан Мухьмада, шоллагӀа моттиг яьккхар 75 кг дозал долаш. Иштта, вай тоабан викала Малсаганаькъан Хьамзата «борза» совгӀат даьккхар 60 кг дозал долаш, цун хьехамча ва Малсаганаькъан Руслан», - аьлар хоамо.
Белгалду, цу яхьашка котбаьннараш таро йолаш ба Россе Хьалхале яккхара яхьашка баха.
