Къаман студентий лиге дакъа лаьцар республикерча боксёраша
![Къаман студентий лиге дакъа лаьцар республикерча боксёраша](http://serdalo.ru/storage/ok6C8qdTFdEO653FKemaJI3gJhg4044JnP1H3t1l.jpg)
Краснодаре дӀайихьача Къаман студентий лиге дакъа лоацаш хилар вай мехкара боксёраш. Из хоам «Сердалога» бир боксах йолча республикерча федераце.
Спортацара шоай кийчо малагӀча боараме я тахка аьттув баьлар 17-18 шерга кхаьчача кагирхой («бакалавр» яха дакъа). 80 кийла дозал дарашта юкъе котало яьккхар Ахтоланаькъан Мухьмад-Амина.
Дото майдилгаш йоахаш белгалбаьлар Коазой Мухьмад (67 кг), Ӏарчакханаькъан Амир (92 кг), кхоалагӀча лагӀа тӀа баьннараш- Могушканаькъан Беслан (54 кг), ГӀайтакханаькъан Ӏаддал-Малик (63,5 кг), ГӀулой Акромат (63,5 кг), - йоах тхога кхаьчача хоамо. ТӀахьожаш хинна тренер - Леймой Мухьмад.