Пхьилекъонгий-Юртарча боксёраша Республикански яхье 4 майдилг яьккхар
16.05.2025 15:18
Пхьилекъонгий-Юртарча боксёраша 4 майдилг яьккхар республикански яхье, из хетаяьяр Сийлахь-боккхача тӀема Коталон 80 шу дизара, яхаш, дийцар «Сердало» газетага Наьсарен кхален администраце.
«11-12 шу даьннача Пхьилекъонгий-Юртарча берий-ондаргий спортивни ишкола спортсменаша дика профессиональни кийчо яьяр. Овшанаькъан Исроапилах цу яхьий чемпион хилар. Хьулахой Тимур кхоалагӀча лагӀа тӀа эттар. Йовлой Ӏумара, Оздой Амира борза совгӀаташ даьхар», - аьлар тхоца къамаьл даьчо.
Кхален администраце даькъалабувц уж а цар хьехамчаш а, иштта дика толамаш дахарца. Моттигерча Ӏаьдало яхачох, цу толамаша хьагойт латархой къахьегам лакха хилар а, дӀахо спортивни даькъ тӀа къахьегара дика масал из хилар а.
