Вахара оагӀонгара гӀо ийдеш, вах мехкара 200 совгӀа саг
«Домографи» яхача къаман проектага гӀолла гӀо лоаттаду вай мехка. 217 сага шоай цӀагӀа новкъостал лоаттаду карарча хана. Из хоам «Сердалога» бир Мехкадаь зарбан болх лелабераша.
«Ер шу доладелча денз, вахара оагӀонгара новкъостал ийцад 806 вахархочо. Уж ба ха яха нах, дегӀа могашал эшаеннараш, шоаш баьхачара беха нах. Эггара чӀоагӀагӀа терко тӀайохийтар да унахцӀенон оагӀонца дувзаденнараш», - белгалдир вай Мехкадас цу оагӀонцарча балхах дувцаш.
УнахцӀенон оагӀонцара болх дӀахьош йолча тоабаша тӀехьарча хана дарбанче Ӏочубигаб 300 совгӀа нах, массехк саг санаторе, курорте дегӀа могашал меттаоттае вахийтав.
Мехкадас белгалдир, вайцига ма хулла бахархошта гӀо лоаттадеш, хьашташ кхоачашдеш болх дӀакхахьа хьожилга. Тайп-тайпара кхача лоаттабеш, ахчанца, кхыболча оагӀонца новкъостал ду бахархошта.
Келаматанаькъан Махьмуд-Ӏаьлас тӀадилла, вахара оагӀонцара гӀо эшаш бола бахархой гучабоахаш, болх ба республике карарча хана дӀахьош.
