Кхело лархIарах, 260 млн сом совгIа декхар дIалургда «Къилбаседа Кавказа Россеташта»
Филиал «Россети Северный Кавказ» — «Ингушэнерго» в первом полугодии 2023 года взыскал с неплательщиков 262,2 млн рублей задолженности за потребленную электроэнергию.
253,7 млн сом дIалургда кхело лархIарах юридически наха; 8,5 млн сом — мугIарерча бахархоша.
ДукхагIа декхар долларах я «Ингушрегионводоканал» яха ГУП, цун декхар 193 млн сом да.
Деррига а наджгоанцхой — аьтинга беттай декхар хьадаккха оттадаь каьхаташ 956 да 456 млн сома маьха.
«Оаха керттера лерхIар да карарча шера йоагаяьча сердалах ахча хьалуш боаца нах дукха цахилийтар, филиала ахчанцара хьал чIоагIдар.
Цу гIулкхах бехктокхемерча наха хьалхашка декхар оттадаьд, ахча хьа ца деннарашта искаш чуяла, болх лаьгI ца балийта, цу юкъерча массайолча тоабашка из болх, лерттIа тIахьожам беш, дIабахьийта.
Цу тайпара болх дIабахьа безаш хилар дувзаденна да республике лоаттаеш йола электроэнерги тешшаме хилийтарца», — аьлар «Къилбаседа-Кавказа Россетей» керттерча кулгалхочун гIончас, «Ингушэнерго» филиала кулгалхочун заместитела декхараш кхоачашдеш волча БIарахой Рашида.
Энергетикаша сердал йоагаераш тIахьех, шоай ханнахьа декхар Iаьдала дIадалара, хIана аьлча цар из декхар дIалуш ца хилча, царна иск чуяла езаш хургба уж, кхелага гIолла из декхар хьадаккхар духьа.
Цул совгIа, газ Iохоадаеш, е дIа ца луш гоадаьча ахчан тIара йоал йоаккхаш дола балхаш а дIахьош хургда декхар хьаьрчача наха духьала. Бакъда цар шоай ханнахьа йоагаяьча Iаьдала сердалах доагIа ахча дIачулуш хуле, из деррига де дезаргдац, цул совгIа, совлен доаккхаш дола ахча а наьха шоай цIагIа дита таро хургья.
Нагахьа санна декхар доаллача сага шийна теха гIод токхаш ца хуле, цу сагá электроэнерги лоаттаяьр бокъо йолаш ва суда пирстопашка гIолла ший декхар хьадаккха.
Цар юкъейоаккх, декхар хьадаккхара, хьа ца луш ахча гоадарах йола йоал; доалахьара хIама хьадаккхар, банкера чот, алапена тIера ахча кIалхьожадар, Россен арахьа дIаваха бокъо цаялар.
Йоагаеча сердалах бола мах дIабала йиш я компане клиенташта гIулакх деча лаьрххIача центре гIолла, «Свет Онлайн» яхача мобильни приложенега гIолла, «Доалахьара кабинет» яхача компане сайта тIа гIолла «Сбербанк онлайн» оала хьал леладеш йолча оагIон тIа, иштта моллагIча кхыча ахча дIадалуш йолча моттигашка гIолла.
