Наьсарерча 300 совгӀа болча дезала кхачан тӀормигаш дихьар
27.03.2025 10:06
Республикан кулгалхочо могадарца дӀахьош долча «Мехка сагӀанга» гӀолла 300 совгӀа болча дезала гӀо дир Наьсаре. Из беркате гӀулакх вай мехка хӀара шера дӀакхухьаш да. «Сердалога» из хоам бир шахьара администрацера.
Таро хала йолча наха кхачан тӀормигаши дулхи дийкъар мехка. СагӀанна юкъелаьцар хала боахкараш, бойла диса бераш, ха яха, цхьаь биса боккхий нах, дегӀа могашал эшаеннараш, иштта боккхий дезалаш.
Шахьара да волча Оздой Руслана белгалдир, из хоза гӀулакх наьха дегаш хьоасташ, терко еш долга. Из беркате болам юкъебаьккхача вай Мехкадаьна доккха баркал аьлар цо.
