Наьсарен кулгалхочунгара, 400 дукхагӀа деце кӀезигагӀа доацаш, совгӀат кхаьчар берашка
26.03.2025 11:13
Шахьара да волча Оздой Русланагара беркате болам дӀабихьар вай мехкарча берий театре селхан.
Наьсарерча администраце, берий театро цхьана вӀашагӀъеллача кхетаче дакъа лаца гулделар 400 совгӀа бер. Царна юкъе дар бойла диса бераш, СВО доакъашхой, иштта хала боахкача дезалашкара бераш. Царна гойтар «Мичига ловзараш» яха спектакль, цул тӀехьагӀа массанена Рамадан аьнна тӀаяздаь мерза совгӀаташ делар.
Администраце болхлоша белгалдаьчох, шахьара дас Оздой Руслана соцам баь, Рамадан бетта 1000 совгӀа долча бера совгӀаташ дийкъад, иштта 300 дезала кхачан тӀормигашца гӀо даьд.
