Мехкарча 5 эзар совгӀа берашта ишколе эшаш йола хӀамаш лургья
19.08.2025 14:11
«Ишколе даха кийчде бер» яха болам ба вай мехка тахан дӀахьош. СВО доакъашхой дезалашкарча, вахара хьал хала долча дезалашкарча 5 эзар совгӀа долча бера эшаш мел бола кхоачам чубола портфелеш лургда.
Мехкадаь зарбан болх лелабераша белгалдечох, из болам хьаллаьцар Паччахьалкхен Думан депутаташа. Мехкадас Келаматанаькъан Махьмуд-Ӏаьлас белгалдир, ишколе додаш дола хӀара бер дешара шерга кийча долаш, дог гӀоздаьнна хила дезилга.
«Къаьстта йоккха терко лоаттаю укх шера Даьхе лораеш латтача СВО доакъашхой дезалашта. Цар берашта мел эшар Ӏалашде декхарийла да вай, хӀара бера эшачунга хьожаш болх дӀабахьа беза», - белгалдир вай Мехкадас.
