«Федеральни оагӀонца гӀо лоаттадераша хьахорж шоашта аттагӀа, дикагӀа хетар. Шера цкъа хувца йиш я цар из гӀулакх. Хувцам юкъебахьа лаьрхӀачо дехар чудала деза укх шерара гуйран шоллагӀа бутт хьаоттале.

Дехар тӀа оттадаьр болх бе долалургда хьатӀадоагӀача шера Ӏан шоллагӀча бетта 1-ча дийнахьа денз», - белгалдир Россе вахара ганза моттигерча оагӀонна кулгал деча Йовлой Зубейрас.

Из тайпара гӀо лоаттадерашта юкъе ба дегӀа могашал эшаеннараш, тӀема оагӀон ветеранаш, боккхача тӀема доакъашхой, «Блокада лаьттача Ленинграда вахархо», «Го баь хиннача Севастопола вахархо» яха цӀераш еннараш, тӀема операцен доакъашхой, иштта кхыбараш.

Наьха аьттув ба молхашца, курорте баха дегӀа могашал тоае, мах боацаш шахьарашта юкъерча машинашца дӀа-хьа аха. Цу оагӀонцара хӀама довза безам бараша моттигерча СФР оагӀонга телефон дӀатоха еза (8-800-200-08-71).