БӀаьсти ги, кхыйола хӀамаш дӀае ловш ба, 60% вай бахархой
БӀаьстан къаьга денош хьаоттарца, тайп-тайпара ги, кхыйола хӀамаш дӀаювш къахьега ловш ба, вай мехкара 60% гаргга бахархой. Цу гӀулакха шоай бешамаш охкаш, тоаеш хьувзаш ба уж. 100 сагаца къамаьл деш, оаха дӀабихьача хоаттама балхо гучадаьккхар из.
«Ма беркате гӀулакх да-кх, араваьнна ший беша коартол дӀаер. ДегӀа пайда беш, хьаьга салоӀийташ гӀулакх да из», - белгалдир цу гӀулакхо дог айдаь волча Пхьилекъонгий-Юртарча вахархочо.
50% бахархой укх деношка шоай бешамашкара лаьтта ахка кийчлуш ба. Коартол, даарех дӀаетта тайп-тайпара баьцаш я цар эггара хьалхарча юхьанца дӀае лерхӀараш.
ХӀаьта 35% бахархой шоаш бахача коашка, квартирашта гонахьа гаьнаш дӀайогӀа лаьрхӀа ба. 90% наха дийцачох, иштта дӀахьош болча балхо боккха пайда бергба вай кхувш латтача тӀехьенна, из юкъеозаш хьега деза къа.
