Карарча 2024 шера, вайцига сомий, комарий боккха хьувкъам хургба
Карарча шера, ГӀалгӀай мехка сомий-комарий боккха хьувкъам хургба. Республике лерхӀ 50,6 эзар совгӀа тонн Ӏажаш, гуржий боалаш, гӀамгӀаш, шапшаш чуэца, яхаш, дийцар «Сердало» газетага ГӀалгӀай Республикан Кулгалхочун зарбан болх лелабераша.
«ДукхагӀа дакъа дӀалоац хьувкъама юкъе «Сомий йоккха беш ГӀалгӀайче» яхача ООО Ӏажий бешамаша, цигара 50,5 эзар тонн Ӏажаш чуэца лерхӀ оаха.
Иштта дика хьувкъам чуэцаргба 90 тонн генарг дола культураш, цу юкъе гуржий боалаш, гӀамгӀаш, шапшаш, комсаш», - аьлар Келаматанаькъан Махьмуд-Ӏаьлас, тахан юртбоахама продукци йохкача даькъ тӀа уж эшаш хиларах дувцаш. Цо белгалдир республика дегӀайоагӀача юртбоахамо тахан керттера дакъа дӀалоацаш хилар, мехка экономика дегӀайоалеча из лоархӀаме хилар.
Иштта белгалдир инвестораша дика дакъа лоацаш, паччахьалкхено ший аргӀагӀа дика толамаш доахача новкъостал деш хилар.
