ГӀалгӀайчен латархой Казане дӀахьоча БРИКС ловзарашка котбувлаш ба
22.06.2024 18:07
Дика хоамаш даьхкад Казанера. «Ади Ахьмад» спортивни клубо кхевеш вола спортсмен, цхьа гӀа кхы баьккхача, хьалхарча мугӀаре отташ вар греко-римски латарах БРИКС ловзарашка, бакъда цо даьккхар дото совгӀат, яхаш, дийцар «Сердало» газетага моттигерча спортивни латара Федерацен зарбан болх лелабераша.
Ӏарпенаькъан Рамзана карагӀдаьлар, ший низ хилар а дика кийчо йолаш хилар а цига гойта. 77 кг дозал дарашта юкъе яхьеваьннача цо котало яьккхар Беларуссерча, ГӀуозлой мехкарча викалашкара, бакъда, Россерча спортсменаца латаш, котало яккха таро хиланзар цун», - йоах хоамо.
Белгалду, хьалхагӀа «Сердало» газета яздаьдар, Россе исторически цхьан шахьаре 400 говзал йола спортсмен 27 тайпарча яхье вӀашагӀкхетаргва, аьнна.
