ГӀалгӀайчен латархой дикагӀчарех хилар, Моздаке дӀахьоча мехкашта юкъерча яхьашка
ГӀалгӀайчен латархоша тайп-тайпара толамаш даьхар цу яхьашка. Моздаке грэпплингах дӀахьош хиннача яхьашка, вай вӀашагӀтехача тоабо дукха майдилгаш яьхар, яхаш, дийцар «Сердало» газетага ГӀалгӀай Республикан спортивни латара Федераце.
«Хьалхара моттигаш яьхар ПхьугӀой Адама, Товтанаькъан Абабукара, Мержой Ӏамархана, Ганенаькъан Сулеймас, Къоастой Саламхана, Зангенаькъан Хьамзата, Йовлой Анзора, Къоастой Билала, Йовлой ӀабдуллахӀа.
Дото совгӀаташ даьхар Йовлой Соалехьа, Хазанаькъан Адама, Ганенаькъан Сулеймас, Зангенаькъан Хьамзата. Иштта боарза совгӀаташ даьхар Хазанаькъан СайфуллахӀа, Осканаькъан ИбрахӀима, Кансиганаькъан Мухьмада, Хьулахой Мухьмад-Амина», - йоах хоамо.
Белгалду, берашца цига ваха хилар ГӀалгӀайчен спортивни латара Федераце вице-президент Хазанаькъан Назир, хьехамчаш Хьулахой Ӏалихан, Хазанаькъан Акромат.
