Ахкан спартакиаде котбаьлар вай латархой
15.06.2024 00:38
ГӀалгӀайчен латархой цӀабийрзар ГӀалмакхий мехка дӀахьош хиннача ХӀӀ Ахкан спартакиадера, эллиной-румий латарах шиъ дошо, шиъ борза майдилгаш яхьаш, яхаш, дийцар «Сердало» газетага спортивни латара Федераце болхлоша.
Яхьаш йистейоалаш латаш хиннача Налганаькъан Ислама (38 кг), Бохтаранаькъан Ӏумара (35 кг) хьийга къа зехьа довнзар, цар яьхар дошо майдилгаш. Йовлой Ӏаддал-Малика (32 кг), Йовлой Адама (62 кг) борза совгӀаташ даьхар», - йоах хоамо.
«Сердало» газета хьалха яздаьдар, тренера Дошхьакхалой Ислама тӀахьожамца, вай тоаба вӀашагӀтеха хиларах, 120 совгӀа спортсмен волча кхетачене дакъа лоацаш хургья из.
