Вай латархой дакъа лоацаш ба, Россе хьалхале яккхара яхье
27.03.2024 10:04
ХӀанз укх сахьате, ГӀалгӀайчера латархой дакъа лоацаш ба, Россе хьалхале яккхара яхье, 18 шу даьннарашца шоай лоӀамагӀа латаш. Из хоам газетага бир ГӀалгӀай Республикан спортивни латара федерацен зарбан болх лелабераша.
«Орловски областе тушола бетта 26-ча дийнахьа бахача моттигашка дикагӀа лоархӀаш болча спортсменашта юкъера яхьаш дӀайолаеннай. ГӀалгӀайчера цига вахар 12 саг. Хьехамча ва цар Гаьгенаькъан Рамзан», - аьлар хоамо.
Белгалду, пӀаьраска дийнахьа яхьий толам гуш хургба, Орёл яхача шахьара майдан тӀа.
