Ставрополерча яхье дошо, борза майдилгаш яьхар вай спортсменаша
23.09.2025 09:40
Укх бетта 20-ча дийнахьа Ставрополе дӏайихьача яхьашка дошо, борза майдилгаш йоахаш белгалбаьлар Магӏалбикера спортсменаш-шоай лоӏаме латархой. Из хоам «Сердалога» бир царна хьалха латтараша.
«Яхьашка шоай говзал гойташ хилар 12 тоабан юкъера 350 спортсмен. Магӏалбикера цига дакъа лоацаш хиннараш 10 саг вар. 10 шу даьннача Курскенаькъан ӏумара котало яьккхар 54 кг дозал дарашта юкъе. 13-14 шу даьннача спортсменашта нийса латаш хилар из, царел зӏамагӏа вале а.
Цхьорой Абукар 62 кг дозал дарашта юкъе котваьнна, кхоалагӏча лагӏа тӏа эттар. Вайцигарча спортсменашта хьалха лаьтта хьехамчаш- Газиканаькъан Башир, Мамилганаькъан Адам.
