Ялх майдилг яхьаш цӀабаьхкар вай спортсменаш
22.07.2024 09:43
Ший лоӀамерча кӀалкхетаргах латарах йола ерригача Россе къамашта юкъера яхь, вай спортсменаш хьалха болаш чакхъяьлар. Якутера 5 дошо, цаӀ боарза майдилгаш яхьаш, цӀакхаьчар вай къона спортсменаш. Из хоам «Сердало» газетага бир спорта гӀулакхах йолча федераце.
«Олимпийски ловзарашка котваьннача Пинигин Павла хетаяь яр «Якутера цӀермашиннаькъаш» яхача оагӀонца дӀахьош хинна ерригача Россе яхь.
«Чингиз» яхача спорта клуба доакъашхоша дошув дера республиканна. Поаланкой Ӏалихан 44 кг дозал дарашца латаш хилар, Евкуранаькъан Мухьмад - 62 кг. 18 шерга кхачанза болча спортсменашта юкъе лакха говзал гойтар СапраӀаланаькъан ИсмаӀала (51 кг), Чаненаькъан Заьлмахас (55 кг), Йовлой Самаила (65 кг). Евкуранаькъан Мухьмада боарза майдилг ера вай спорта.
