Вайцигара латархо котваьлар, Казахстана хьалхале яккхара яхьашка
13.04.2024 16:13
ГӀалгӀайчера къона латархо котваьлар, Казахстане дӀахьош хиннача эллиной-румий латарах хьалхале йоаккхача къовсаме, - яхаш, дийцар «Сердало» газетага ГӀалгӀай Республикан спортивни латарах йолча Федерацен зарбан болх лелабераша.
«ДӀайихьача яхьашка 21 шерага кхоачаш ха яьннарашта юкъе Йовлой Ислам вар «Ади-Ахьмад» клубера ваха, цу клуба спортсменаша каст-каста гӀадбуг республикан бахархой шоай толамашца.
Кхоане йолча къонача спортсмена 82 кг дозал дарашта юкъе котало яьккхар», - йоах хоамо.
Белгалду, тов бетта шоллагӀча дийнахьа денз, бархӀлагӀча денга кхаччалца Ислам латаш хургва Понтеведра оалача шахьаре, U20 дунен хьалхале яккхара тӀехьа къовсам дӀахьоча. Цига дакъа лоацаш хиларах, вай латархо спортивни даькъ тӀа дӀачӀоагӀлургва.
