ТӀема операце доакъашхочун вешийна дарба де гӀо дир
22.08.2024 12:48
Украинерча тӀема операце доакъашхочун вешийна дарба деча, оагӀув хьаллаьцар мехкарча лораша. Из хоам «Сердалога» бир «Даьхен Лорбой» яхача ганза мехкарча филиало.
«Дзейтанаькъан дезала хьашташ кхоачашде оарцагӀъяьлар вахара хьашташка хьожаш йола Беканаькъан Мадина. Цар воккхагӀа вола воӀ Украинерча тӀема операцен юкъе кхелхав. Республикерча керттерча дарбанченца дийцар филиало, тӀема операцен доакъашхочун зӀамагӀа волча вешийна Бек-хана лапаротоми ергйолаш. Цул совгӀа, унахочун наьнага мел эшаш йола молхаш дӀаелар цар», - йоах хоамо.
Белгалде деза, Украине вахар хаьдача Дзейтанаькъан Хьасана республикерча Росгварде болх беш дизза 11 шу даьккхалга.
