Махьмад-Хи тӏарча бахархой халонаш теркалъеш хургья
Укх деношка телевидене гӏолла Мехкадаьца къамаьл деш хиннача кхетаче, шоай вахарерча кхоачамбоацарех дийцар Махьмад-Хи тӏарча вахархочо. Келаматанаькъан Махьмуд-ӏаьлага леткъар из; шоай юрта лампаш яц; Фрунзе цӏерагӏча урамера никъ, лела хала долаш, чӏоагӏа во ба, аьнна.
Цу гӏулакха тохкам бе юрта вахар Магӏалбикерча администраце кулгалхо вола Галай Муса. Бахархошца къамаьл даь, таханарча дийнахьа цар вахарера эггара доккхагӏа дола кхоачамбоацараш малагӏаш да хьежар из.
Нахаца къамаьл деш, хьакимо белгалдир; йоккха юкъ ялале, юртарча урамашка таханара дикагӏа йола лампаш йохкаш; Фрунзе цӏерах болча ураме никъ буллаш; болх дӏахьоргба, аьнна.
Белгалде деза, хьакимашта, бахархошта юкъе бувзам хиларо юрташкара, шахьарашкара кхоачамбоацараш дикагӏа гучадоахилга. Йоккха юкъ ялале, хоза хувцамаш хургда цу юрта, Даьла къахетамца.
