Мехкахочунгара тийшача балхах ахча даккха гӏийртача полице болхлочунна суд йир
29.10.2025 11:29
2025-ча шера тушола бетта, мехкахочунгара тийшача балхаца ахча даккха гӏийрта полице болхло бехктокхаме эзар ӏаьдало. Интернета оагӏонца бувзаме ваьнна, 100 эзар сом ахча хьа ца лойл, хьа мел дола хӏама нахалдоаккхаргда аз, яхаш, кхерам тувсаш кхийстав аттача ахчанца киса диза гӏийртар. «Сердалога» из хоам бу тохкама комитетера.
«Мехкахочо сиха полици дӏаваха дӏакодабаьб шийга бахьа бала, хӏаьта цар ӏалаьмате сиха гучаваьккхав тийшаболх лелабу МВД ЦПЭ болхло.
Цӏагӏара аравала йиш йоацаш бокъо йийхкай цунна», - йоах тхогарча хоамо.
Цӏагӏа волаш такха езаш 1 шуи 6 бутти ха техар цунна ӏаьдало, цул совгӏа, цу юкъа ӏаьдала болх бе йиш йолаш а вац из.
Из гӏулакх дӏахьош хиннараш ба республикерча МВД болхлой.
