Тайп-тайпара хьармакхаш дӀадогӀа лерхӀ Магаса моттигашка
19.08.2025 10:26
Султиганаькъан ЙоакъапЗизашца моттигаш тоаярах йолча проектага гӀолла, геттара хоза лоархӀаш дола хьармакхаш дӀадогӀа лерхӀ Магаса моттигашка. Из хоам «Сердалога» бир шахьара администраце.
«Шахьара даь декхараш кхоачашдеш волча Тиймарзанаькъан Мусас хьалха белгалдир, шахьара моттигашка 5 эзар совгӀа хьармакх дӀадогӀаш болх дӀабахьа беза, аьнна. ДӀадогӀа лаьрхӀача зизашта юкъе да флорибунда, чайна-вӀашагӀъэдаь, плетисти, паркера шраб яха хьармакхаш. Ленинградски областерча Ломоносовски кхалера хьачуденад уж вайцига.
Мехкадаь Администрацена духьаларча доазон тӀара моттигаш дӀалоацаргья цар. Тайп-тайпарча зизаша геттара хоза куц кхолларгда цу моттигашка. Бахархой, иштта шахьаре тӀалаттача хьаьший бӀарг гӀадбугаш хургья, аьнна, хет из хозал.
