«ГӀалгӀай Республике гӀолла йолча МВД хоамий-бувзамий технологеш бокъонаш йоацаш лелаяра духьала къовсам лоаттабеча даькъа болхлоша юхатехар Челябинск-Шахьара шин вахархочо деш хинна зулам», - аьлар хоамо.

Бокъонаш лораераша белгалдир, шоай мехка малашб ца ховча наха юридически фирманна дӀатӀа а язбенна, цул тӀехьагӀа нах Ӏехабеш, царгара ахчаш доахаш из лелаяьй.

ГӀалгӀайчен бокъонаш лораераша, Челябински областе гӀолла йолча Россе МВД ГУ УБК болхлошца цхьана, Росгварде новкъостал а деш, цига бахаш бола зуламхой гучабаьхар.

Тахан ховш да, РФ тайп-тайпарча моттигашка бахача наха духьала цар из зулам ткъаь ийсазза даь хилар, царех кхоъ вай республикаца дувзаденна да. Юкъара дӀалаьрхӀача, цар наха даь зе да 2,5 миллион сом совгӀа.

Уголовни гӀулакх хьадийллад, уж чубехкаб.