Магасерча культуран дегӀаахара Центро хьабийллар къаман дувхара гойтам
Ерригача Россе гӀолла белгалдир ЦаӀ дола фольклора ди. Цу цӀайна хетадаь, Магаса культуран дегӀаахара Центро хьабийллар къаман дувхара гойтам, яхаш, дийцар «Сердало» газетага из болх вӀашагӀбеллараша.
«Наьха вахарера культуран дакъа дӀа а лоархӀаш, тӀабувхабеча гӀирса дизайна кружока кулгал деш йолча Беканаькъан Зинела, иштта декоративно-прикладной искусствай кружока кулгалхочо Хамхой Лидас дукха кхалнаьха гӀирсаш гойтар (чокхеш).
«ГӏалгӀай къаман культуран тӀехьале. Къаман гӀирса истори: дӀадахар, таханардар» яхача экспозицена чуйоагӀа, костюмаш хинна а ца Ӏеш, иштта теникаш-лоамарой, уж хьакхеллай культуран дегӀаахара Центра пхьоаллешка», - йоах хоамо.
Гойтам хьабеллар лоархӀаме дакъа хинна дӀаэттар кхувш доагӀача[U1] ноахала, хӀана аьлча цунна хьалхадаьккхар къаман гӀирса истори мичара хьадоагӀа, цун белгалонаш, ГӏалгӀайченна из лоархӀаме хилар.
