«Кинон бийса» дӀахьоча дакъа лаца бех бахархой, Магасерча культуран гӀулакх доаржадеш йолча моттиге
20.08.2025 14:08
Ерригача Россе дӀахьош бола «Кинон бийса» яха болам ба, Магасе хьаллоацаш. Цига хьаьшашка хьежаш; къаман кхоллама Ӏадаташ, таханарча кхоллама оагӀув гойташ; йоккха программа я.
«Республикерча лакха начӀал долча пхьараша гойтама балхаш дӀахьоргда цига, иштта шоай кулгашца цхьацца хӀама хьае аьттув хургба гулбеннарий», - дийцар «Сердалога» Магасерча культуран гӀулакх доаржадарах йолча моттиге.
Кхоллама сайре дӀахохьоргья цу моттиго кхебаьча къонабараша, эрсий цӀихезача байтанчан Пушкин Александра хетаяь байташ ешаш. Классика эггара цӀихеза йола байташ хозаргья цига, иштта Пушкина фаьлгех берий суртий гойтам хургба.
Цул тӀехьагӀа, мах боацаш, берий киношка хьажа бехаргба берригаш. БӀарччача дезалца самукъадаккха моттиг я из.
