Мехкарча боккхийчар шоайла бувзам лоаттабеча моттигашка Наьна Ди дездир
01.12.2025 10:43
Наьна Ден хетаяь кхетаченаш дӏахьош хилар Жӏайрахьа, Магӏалбика кхален боккхагӏбараша бувзам лоаттабеча моттигашка. Из хоам «Сердалога» бир мехкарча СФР зарбан болх лелабераша.
«Дезал ураоттабеш, царна кхетам луш ди, бийса ца къоастадеш къахьегаш хьабоагӏача ноаношта доккха баркал кхайкадир мехкарча пенсионни Ганза Оагӏонцарча болхлоша. Ноаной дегаш хьаста хоза кхетаче вӏашагӏъеллаяр цига», - йоах тхога бенача хоамо.
СФ болхлоша белгалдир, наьна Ди хӏара сага вахаре эггара лоархӏамегӏа, хьамсарагӏа дола ди долга.
