«ДӀабахача бетта 29-ча дийнахьа, ткъо минот яьлча итт доалаш «Шолжа кхала» яхача МВД оагӀон болхлошка телефон техар, Шолжа кхален хьунашта тӀахьожам лоаттабеча болхлочо. Цо кодадир, Мужечен юхе хьу тийда моттиг я, аьнна», - йоах тхогарча хоамо.

Сиха цига кхаьчача Ӏаьдала болхлошта дайра, Эса юхерча хьунагӀа тӀехьа бийхка попа гаьний 12 хи болаш латта ДТ трактор». Цхьа юкъ яьлча, «аьшка чархаш» йоацаш латта цхьаькха а ши трактор корайир полице болхлошта. Шоай ӀаьдалагӀа, полици тӀакхаьча моттиг хуле, цар Ӏочуюгаргйоацаш Ӏоттаяьяр уж зуламхоша. Бакъда, хаоттама хьал хало хиннадале а, трактораш Ӏаьдало Ӏочуйигар. «Сердало» газетага гӀолла даггара кхайкарал деш латт, лорае вай хьунаш, бокъо йоацача моттиге хьун кхоачама тӀа ма кхувда, яхаш. Из тӀахьожам дӀахо кхы а чӀоагӀбеш, болх дӀахьоргболаш ба, хьагучох.