800 эзар сом совгӀа зе дир зуламхоша, Шолжа кхален хьун боахама
03.09.2024 11:00
Шолжа кхален хьун боахама зе дир юха а. Зуламхоша гаьнаш тедарах, 800 эзар сом совгӀа зе хилар хьун боахама. Царна духьала гӀулакх хьадийллад полице болхлоша.
«ГӀажарий-Юртарча хьун боахама инспекторгара хоам бера Ӏаьдала болхлошка, зуламхоша гаьнаш тийдай, аьнна. Россе МВД Шолжера тоаба араяьлар из гӀулакх тахка. Царна бӀаргаяйра, Алхастен гӀибухен-малхбоален доазон тӀа поп яха кхо га тийда ягийса 28-42 см шера гударгаш, иштта гуш яр 2,5 км уж хенаш текхадаь лар», - хоам бир «Сердалога» МВД болхлоша.
Зуламхошта духьала 3-ча оагӀон 260 йолча статьях гӀулакх хьадийллад Ӏаьдало.
