Вай виъ боксёр котваьлар Пятигорскерча йийллача хьалхале яккхара яхьашка
23.09.2025 11:05
Виъ боксёр, гимнастика Ишколен тхов кӏалха ӏомалуш вола, котваьлар Пятигорск-Шахьаре дӏахьош хиннача йийллача боксах йолча яхье, яхаш, хоам бу цигара.
Ишколе ӏомалуш бараша аргӏанара масал гойтар шоаех даьша а хьехамчаша а доккхал де дезаш.
Лоархӏамеча яхьашка Мержой Билала хьалхара моттиг, иштта кубок яьккхар дика говзал гойтарах. Хоасботанаькъан Жабраила, Ӏарпенаькъан Адама лакхара моттигаш яьхар. Томбенаькъан ӏаддал-Рахьима, дошо мейдилг яккхарал совгӏа, кубок а йихьар, котало яккхара лоӏам лакха хиларах.
