ГӏалгӀайчен Магаса йиъ моттиг хозагӀа хургья 2026 шера
Карарча шера ГӏалгӀайчен столице диъ даькъ тӀа хозал хьакхолла лаьрхӏад, аьлар «Сердало» газетага Магаса мэре.
«Вахара хьалаш» яхача федеральни программа чудоагӀаш, диъ юкъарлон доазув тоадергда. Из да Чахкенаькъан С., Горчхананаькъан А. урамаш вӀашагӀкхеташ дола доазув, иштта (Горчхананаькъан А. урамгара Коталон Паркага кхаччалца) йола аллея, СФР даькъ тӀара сквер, иштта Гаьгенаькъан Б. урамгара Цветочни пер, Малсаганаькъан Д. урамга кхаччалца», - аьлар шахьара кулгалхой хоамо.
Из болх цу даькъ тӀа дӏаболабергба кастлуш. Магас шахьара бахархошта, цу моттигашка оттадергда салаӀара лаьрхӀа гӀандаш, царна уллув нувхаш чутувса яьшкаш, керда лампаш, иштта хьадергда гӀашлошта наькъа такилгаш, салоӀама майдаш.
Вахара оагӀонга диллача из лоархӀаме да. Наха паргӀата хет уж санна дола хьалаш хьакхеллача, уж хьакхаштагӀа хул, дикагӀа салоӏ, дика уйлаш дукхагӀа хул. Иштта сага доаккхал ду ший столица хоза хиларах. Цун а уйла хул ший республиканна, цун наха дика гӀулакх де.
