«КИБЕРАШ» яхача медиаболама доакъашхоша къамаьл дир вацигарча кагирхошца
Магас-Шахьаре кхетаче хилар «КИБЕРАШ» яхача Ерригроссийски медиаболама тоабан, иштта ГӏалгӀай Республикан кагирхой, яхаш, дийцар а «Сердало» газетага из болх вӀашагӀбеллараша.
«Кхетаче дӀайихьар кагирхой цхьанкхетарий цӏагӀа. Къонача хьалхалаттараша дийцар, «КИБЕРАШ» малаш ба, мишта дӀакхета йиш я таьрахьий болама балхах. Къаьстта терко тӀаяхийтар ладувгӏаш хиннараша, медиаишколе деша йиш хилара, хьалхале лелаеча говзанчаша хьехам луш. Цул совгӀа, берашта дийцар таханарча заман гӀирсаш хьакхолларах, шоашта а иштта берригача мехка а накъадаргдола. Къаьстта терко тӀаяхийтар патриотически материалашта, таьрахьий даькъа», - аьлар хоамо.
Кхетачен чудоагӀаш, берашта дийцар проекта лоархӀамах, иштта дайзар ерригроссийски кхетаченах, таьрахьий оагӀонех.
