Хӏирий мехкацара доазув дӏакъовлар, бух боацаш долга белгалдир ЦУРо
30.10.2025 09:25
Вай массане зувш да, тӏехьарча хана интернета оагӏонашка бакъдоаца къамаьлаш даьржалга. Укх наькъа интернете арадаьлар, мехка кулгалхошкара да яха, хӏирий мехкацара доазув цхьан юкъа дӏакъовларах дола бух боаца къамаьл. ЦУРа болхлоша из техкад, дер дайнараша арадяьккха даьсса къамаьл да из.
«Цхьаккха тайпара юридически оагӏонцара чӏоагӏо йолаш дац даьржа хабар. Доазув дӏакъовлаш да, аьнна, цхьаккха амар хиннадац мехка», - белгалдир «Сердалога» ЦУРе.
Мехкарча кулгалхоша бахархошка дехар ду, дер дайнача наха доаржадеча даьссача къамаьлашка ла ма дувгӏа, моллагӏа хӏама бух болаш дий тахка, яхаш.
Хувцам болаш хӏама хилча, керттерча хоамий моттигашка гӏолла кхайкарал дергда мехка.
