Гӏалгӏайчен ЦУРо новкъостал дир, газацара хьал нийсде
Ара шелал оттарах, кхы а бокъонца йола шелал этта яьннаеце а, газацара хьал хувцалуш да. Цудухьа массайолча хана фийла хила веза, газ тӏакхеташ, юха лаьгӏъеш хиларах. Вайна дика дагадоагӏаш да газацара хьал нийса латташ цахиларах вай мехка бахача наха хинна зенаш, цу юкъе нах бовш а моттигаш нийсъеннилга. Наьсарен кхален Пхьилекъонгий-Юртарча коттеджий даькъ тӏа бахача наха цу тайпара хьал нийсденнадар, бакъда цар сиха бийхар республикан ЦУРа болхлой.
Ший аргӏагӏа Гӏалгӏайчен ЦУРа из дехар дӏадахьийтар «Газпром межрегионгаз Наьсаре» АО.
«Компане беча хоамах, из дехар хьадена хиларца дувзаденна, аварийно-диспетчерски гӏулакх леладераша цу моттиге, кхы тӏехьа ца тотташ, Наьсарен РЭУ тоаба яхийтар. Цига хилар цхьацца дола кхоачамбоацараш.
Массехк сахьат далале уж юстардаьхар, наха газ хьаелар», - аьлар «Сердало» газетага Гӏалгӏай Республикан ЦУРа бахархой лоткъамаш теркалдеш бола болх дӏахьош волчо.
