Пхьилекъонгий-Юртарча бахархой фусамашка ток хилийта къахьийгар ЦУРо
06.08.2025 15:41
Пхьилекъонгий-Юртара Солнечни, Осканаькъан Сулумбика цӀерах бола ши урам вӀашкаоттача бахаш бола нах шин дийнахьа ток йоацаш бисар. Цу гӀулакха оарцагӀъяьлар республикера ЦУР. Наьсарен кхален администрацеца бувзаме баьнна, техкар цар из хьал.
«Хатар хиннача ухаш йолча тоабо техкар ток цахилара бахьан. Цига латташ бола трансформатор бехаб, хувца безача хьале кхаьчаб. Керда трансформатор оттабе лаьрхӀар цу моттиге. Муниципалитета кулгалхо волча Исмейланаькъан Амирана ше тӀахьожам беш чакхдаьккхар из гӀулакх», - дийцар «Сердало» газетага мехкарча ЦУРо.
Мехка доал деча моттига хьалхашка латтача керттерча декхарех да, наьха вахарера кхоачамбоацараш теркалдар; цар тӀадена хаттар тохкаш, болх дӀабахьар.
