ГӀалгӀайчен викалаша Ӏомаергья архитектуран, шахьараш яра даькъ тӀара Майкопа поалхам
ГӀалгӀайчен викалаш, цу юкъе юртбоахамеи кхачани министр Гаьгенаькъан Мухьмад а, Наьсарени Магасеи шахьарий кулгалхой Тиймарзанаькъан Муса а Оздой Руслан а болаш, иштта архитектуран, хоамий Ӏалашон, бокъоний урхаллен викалаш а болаш, тахан АьдагӀе - Майкопе бахаб.
Наьсарен администраце зарбан болх лелабераша яхачох, цар бахар дувзаденнад архитектуран, шахьараш яра даькъ тӀара балха говзал хьаэцарца.
Цул совгӀа, «Шахьара дика хьалаш» яха проект кхоачашъяра даькъ тӀа шоайла дагабаргба уж.
«Вай цхьа мохк ба, юкъара декхараш а да. Вайна гу бувзам лелабарах хьабоала пайда. Дукхача балхий даькъош тӀа, цу юкъе гуманитарни, экономически, культурни оагӀонаш а йолаш, из пайда дӀахо шоайла эцаш хила беза. Вошал леладеча наькъ тӀа дӀахьоча кхетачено, республикан экономически таронаш лакхъяра хьал тоадергда», - аьлар къамаьла юкъе дакъа лоацаш хиннараша.
