«ДӀадахар дагалацар» яхача партпроекта кхетачен юкъе дакъа лаьцар республикан викалаша
25.03.2025 10:39
«ДӀадахар дагалацар» яхача федеральни партпроекта кхетачен юкъе дакъа лоацаш хилар «ЦаӀ йолча Россе» «ДӀадахар дагалацар» яха моттигера проект лелаеш вола Муружанаькъан Мухьмад, проекта юкъарлон кхела кулгалхо йола Бохтаранаькъан Мадина. Из хоам «Сердалога» бир «Къонача эскархой» зарбан болх лелабераша.
«Тайп-тайпарча моттигашкара 130 совгӀа саг гулвеннавар Москве. Кхетаче дийцар Россе турпалаш дагалоаттабарах, культуран оагӀонцара сийленгаш лорадеш болх дӀакхахьарах. Иштта теркаме лаьцар, кхувш латташ йола тӀехье мехка истореца дувзаденнараш лархӀара тӀахьехаш, музеешка болх дӀакхахьа безаш хилар.
