ГӏалгӀайчен викалаша дакъа лаьцар, «Коталон иллеш» яхача фестивале
ГӏалгӀайчен кхоллама викалаша дакъа лоацаш хилар «Коталон иллеш» яхача халкъа кхоллама фестивале, из дӀахьош яр укх деношка Селий мехка. Из кхетаче хетаяьй Сийлахь-боккхача Даьймехка тӀем тӀа Котало яьккха 80 шу дизара, цох исторически дагалоаттама, кагирхой Даьхенцара безам совбаккхара, халкъа цхьоагӀон лоархӀаме майда хилар.
«Фестиваль дӀахьу Селий мехкарча ашархой Союзо, Российски культуран ганзо хьаллоацаш.
Проекта грант яьккхай «Дезалера мах бараш, культуран дакъа» яхача федеральни проектах, цо белгалду из лоархӀаме хилар юкъарлон барт, цхьоагӀо чӏоагӏъеча даькъ тӀа. Вай республикера цига яхар Абдурзаканаькъан Аьсет - Республикански халкъа кхоллама Цӏен исбахьален кулгалхо; иштта Оздой Адам- ГӏалгӀайчен халкъа артист, цун иллеш наха чӀоагӀа хоза хеташ да; Булгучанаькъан Самира - Пхьилекъонагий-Юртарча культуран Цӏен иллиалархой кружоке Ӏомалуш йола; Шоанахой Микаил - РДНТ оаза оператор», - аьлар «Сердало» газетага моттигерча халкъа кхоллама Цӏен кулгалхочо Зурабанаькъан Ахьмада.
Цу моттига керттера декхар дар искусствога гӀолла кхувш йоагӀача тӀехьенга дӀакхачийтар Сийлахь-боккхача Даьймехка тӀема турпалхошта карагӀдаьннар мел мах болаш а, диц де йиш йоацаш а да. Шоай кхолламга гӀолла артисташа дунен моаршал хоатт ладувгӏарашка, цунца цхьана чӀоагӀдеш ерригача Россена а Кавказа а юкъе барт, цхьоагӀо хилар.
