Гӏалгӏайчен викалаш дакъа лоацаш хилар ИТМ конгрессе
Республикан унахцӏенон министерствон даькъ тӏа болх беш бола хоамий технологеш говзанчаш, шоашта керте министерствон кулгалхочун гӏонча Коазой Мурад волаш, дакъа лоацаш хилар «Хоамий технологей лорий даькъ тӏа» яхача XXVӏ конгрессе (ИТМ), яхаш, хоам бу Гӏалгӏай республикан унахцӏенон Министерствон зарбан болх лелабераша.
Халкъашта юкъера кхетаче дӏахьош, унахцӏенон таьрахьий даькъ тӏа, хӏара шера гулбу, РФ моттигашкара санна, Малхбоален Европа, Юкъерча Азе викалаш.
Керттера тема - лорий балха искусственни интеллект юкъейоалаяр.
«Цу тайпара кхетаченаш дӏаяхьарах, тха таро хул таьрахьий хувцамашцара хьал дикагӏа дегӏадоаладе, хьалхале лелаяра говзал юкъеяккха, Гӏалгӏайчен лорий организацешка таханарча заман технологеш лелае. Таьрахьашка далар - из духхьал мода хинна ӏац, из ба дикал лакхъяра бола гӏирс, республикан бахархошка лорий новкъостал дӏакхачийтара лаьрхӏа бола», - аьлар Гӏалгӏай Республикан унахцӏенон министра гӏончас Коазой Мурада.
