ГӀалгӀайчен викалий кхетаче хилар, Бахрейнерча хьаьшашца
ГӀалгӀайчен викалаша, Петербурге дӀахьош йолча 2024 шерарча халкъашта юкъерча экономически кхетачен доазонашка, вӀашагӀкхетар дӀадихьар Бахрейна паччахьалкхера баьхкача хьаьшашца, яхаш, дийцар «Сердало» газетага ГӀалгӀайчен Кулгалхочо.
Керттерча даькъе дийцар дар мах бара-экономически бувзам чӀоагӀбар, дукхагӀча даькъе дӀа-юха йохкаш йола хӀама, инвестицеш, иштта туризма оагӀув дегӀайоалаяр.
Бахрейна паччахьалкхен викала Ахмед аль Саати раьза хилар туризма, энергетикан, юртбоахама даькъ тӀа вӀаший пайда эцаш бола болх лелабе.
«Вай доазон тӀара таронаш, мах бола культуран Ӏадаташ, хьалхале лелаю промышленни предприятеш, масала, кӀалах гӀирсаш арахецаш йола завод, иштта юртбоахама комплексаш санна яраш, цар терко тӀаозаш я», - йоах хоамо.
Бахрейна викало белгалдир, мехка экономика дегӀайоалаяра наькъ тӀа шоаш болхаш хилар, цудухьа вай предприятешка арахецаш дола хӀама Бахрейна лоаттаде таро я.
Кхетачен чаккхе еш, шинна а оагӀоно барт бир, шоайла дӀахо бувзам лелабе.
