ГӏалгӀай мехкарча ГД депутата Татренаькъан Муслима жоп делар «Коталон Диктанта» хаттарашта
25.04.2025 16:45
ГӏалгӀайчера РФ Паччахьалкхен Думан депутата Татренаькъан Муслима хӀара шера дакъа лоац «Коталон Диктант» яхача халкъашта юкъерча боламе. Ер шу а цо дакъа ца лоацаш дитанзар.
Депутата ший телеграм-канале яздаь ма хиллара, 25 хаттара жоп делар цо.
«Цу кепара из болам дӀахьош хиларо таро лу безам барашта цига дакъа лаца, цудухьа нах а цу юкъе дукхагӀа хулаш боагӀа. Тахан латта истори кегаде безам бараш цхьан оагӀорахьа боалача хана, лоархӀаме да исторически бакъдар лорадар.
«Коталон Диктанта» новкъостал ду шийна фу хов хьажа, граждански цхьоагӀо чӀоагӀъе, бехктокхаме хила», - аьлар Татренаькъан Муслима.
